Búmerkir

Búmerki

Nýtt búmerki ella nýggjan grafiskan samleika?
Títt búmerkið skal verða nakað heilt serstakt, og skal kunna umboða títt virki ella tína vørusøgu, tað tú selur, tað tú vilt mynda og vísa hagar tú vilt fara. Eitt búmerki kann verða maskulint, feminint, modernað ella klassiskt, hart ella bleytt, ungt ella gamalt, litríkt ella serlitt, heitt ella kalt, stuttligt ella siðiligt osfr. - Óansæð snið og boðskap, skal tað verða títt egna. Búmerkið er tað, ið myndar títt virki.

Vit kunnu sniðgeva tær eitt gott búmerki
Hevur tú tørv á einum nýggjum búmerki ella møguliga at endurnýggja verandi búmerki, ert tú vælkomin at seta teg í samband við okkum.

Depilin fyri Heilsu og Almannagransking fingið nýtt búmerki

Sniðgeving og hugskot: Edward Fuglø
Reintekning og sett saman: Grafia

Edward Fuglø:

Aftur til búmerkið sum ímyndar ravnin, ein vísan fugl, ið ágrýtin kannar eitt lítið reytt fremmandalikam, her umboðar búmerkið tað at hugsavna seg, og tað at kanna og granska.

Merkið kann eisini lesast á annan hátt, soleiðis at vit siggja lítla reyða prikkin sum eina kjarnu, fuglaskapið verður til triggjar grásvartar formar sum skjóta seg út úr hesi kjarnu, sum ein hóttandi krabbaklógv, okkurt fremmant, ein avbjóðing fyri kanska bæði fólkaheilsu og samfelag.

Búmerkið hevur eisini formar ið kunnu minna um fláðir, tað kunnu verða samfelagsligar fláðir eins og lívfrøðiligar fláðir, ella eisini um mikrostrukturar, sæddir undir sjóneyku.

Tú kannst eisini síggja svarta formin, i høgru síðu, sum eina boomerang ið verður kastað út, og sum, um rætt verður kastað, altíð kemur aftur til tann ið kastaði.

Búmerkið hevur tign og mynduleika, og tað stendur fyri ein depil sum hevur fokus á sina søk, og tekur sín gerning i stórsta álvara.

Myndir er sett saman við skriftini: "Adelle Sans" og akkurát hendan versiónin av skriftini, er so Condensed Regular. Hetta er ein tíðarleys og rein skrift, hon er klassisk við einum brá av mynduleika.

Tveir høvuðslitir eru, myrkareyður og svartur, tann svarti er síðan deildur upp í procentir, so at skilja, at svart er at rokna sum 100 %, tann millumgrái er 60 % av svørtum og tann ljósagrái liturin er 30% av svørtum.

Búmerkið hevur Jastrid Gullaksen á Grafia í Klaksvík reinteknað digitalt eftir upprunatekning hjá mær.

Eg fari at enda at ynskja Depilinum fyri heilsu og almannagransking, bestu eydnu við búmerkinum framyvir.

Takk fyri.