Tíðindi

Grafia á Atlantic Fair

9/5/2017

Grafia luttekur á sjóvinnustevnuni Atlantic Fair 2017 í Klaksvík, har sjóvinnan í Føroyum savnast í tríggjar dagar frá 9. til 11. mai. Fleiri enn 180 framsýnararnir eru klárir at taka ímóti øllum vitjandi og hevur Grafia sniðgivið fleiri básir á messuni umframt gjørt hópin av prenttilfarið til messuna.

Grafia ynskir at bjóða øllum vælkomin til eitt gott prát á bás okkara nr. D-324 í KÍ-høllini.

Týsdagin og mikudagin er opið kl. 10-17, hósdagin kl. 10-16.

Hjartaliga vælkomin!

NorthPelagic á messu í Brussels

25/4/2017

Fleiri føroyskar fyritøkur, ið arbeiða innan fiski- og alivinnuna, luttaka í hesum døgum á føroyska landabásinum í Brússel.

Messan er opin í tríggjar dagar, og føroysku fyritøkurnar hava úr at gera allar dagarnar við fundum og práti við kundar.

Seafood Expo Global er heimsins størsta messa innan sjógæti, har framsýnarar eru úr nógvum londum og hevur sera nógv vitjandi, og tí er føroysk luttøku sera týdningarmikil.

Hetta er staðið, har nærum øll, ið arbeiða við keypi og sølu av sjógæti, hittast. Nógv sambond verða knýtt, og avtalur verða gjørdar hesar dagarnar. Tískil møta fyritøkurnar eisini væl mannaðar.

Grafia hevur sniðgivið básin hjá NorthPelagic, ið luttekur á tí føroyska básinum hesuferð og fingu vit hesar myndirnar úr Brussels:

Tróndur & Brandur Patursson - Listaframsýning

24/4/2017

Sunnudagin 30. apríl letur upp listaframsýning í Gamla Seglhúsinum í Klaksvík við feðgunum Tróndur og Brandur Patursson.

Framsýningin umfatar málningar og glaslist frá teim báðum, sum á hvør sítt hátt er sermerkt.

Fernisering verður sunnudagin kl. 17. og verður tá eisini møguleiki at heilsa uppá listamenninar.

Umframt lættari ábit, kemur Jógvan Andreas Joensen at framføra eitt sindur av tónleiki og Jógvan Skorheim, borgarstjóri flytur fram røðu.

Talan er um eina søluframsýning, sum hongur uppi í allan mai mánaða og er opið nú sunnudagin frá kl. 17-20.

Framsýningin, sum er ókeypis at vitja, er annars opin mánadag til fríggjadag frá kl. 14:00 til 17:00 og sunnudag frá 14:00 til 17:00.

Øll eru hjartaliga vælkomin!

Flaggdagin 25. apríl er stongt

18/4/2017

Týsdagin 25. apríl, sum er flaggdagin, er stongt á Grafia.

Gleðilig jól og gott nýggjár

22/12/2016

Øllum verður ynskt eini gleðilig jól og gott nýggjár.

Vit verða aftur á Grafia týsdagin 2. januar 2016

GRAFIA

Sámal Toftanes í Gamla Seglhúsinum

5/12/2016

Hósdagin 8. desember 2016 letur upp listaframsýning við Sámal Toftanes í Gamla Seglhúsinum.

Fernisering verður kl. 16:00 og kemur Bárður á Lakjuni at syrgja fyri tónleikinum.

Umframt lættari ábit og okkurt leskandi, er tað møguligt at heilsa uppá listamannin sjálvan eisini.
Talan er um eina søluframsýning, sum hongur uppi fram til 22. Desember 2016.
Framsýningin umfatar 21 oljumálningar og er høvuðstema fólkalívsmyndir.

Framsýningin er ókeypis at vitja og øll eru hjartaliga vælkomin.

<<Previous

Jastrid Gullaksen, stjóri
jastrid@grafia.fo

Símun Gullaksen, samskipari
simun@grafia.fo

Anna Simonsen, miðlagrafikari
anna@grafia.fo

Grafia er eitt nútímans reklamuvirki við umfatandi førleikum innan grafiska sniðgeving bæði til prent, print og
digitalar miðlar. Vit loysa design uppgávur, stórar sum smáar og leggja stóran dent á at veita dygndarloysnir.

Set teg í samband við okkum og fá eitt óbindandi tilboð!