Í samband við Torradagarnar, høvdu vit opið hús í Gamla Seglhúsinum. Jákup og Hergerð Ziskason, sum eru eitt satt gastronomiskt toymi, syrgdu fyri leskiligari hummarasúpan, og høvdu fólk annars eisini møguleika til at hyggja seg nærri kring um í Gamla Seglhúsinum.

Kristan Eliasen sýndi fram sítt sera snotuliga modelskip, sum er av gomlu “Norðborg”, og varð somuleiðis ein myndafrágreiðing um arbeiðsgongdina av hesum sera snotuliga handverki.

Niðanfyri, á torginum, høvdu vit sett tvey kør upp, sum vit fingu til vega frá Sjómannadegnum. Hesi kør skuldu nýtast til høvuðstiltaki, nevnliga søla og framsýninga av livandi Jákupskeljum, jomfrúhummara, svørtum hummara og krabbum.  Steintór Debes og frúan, sum hava hummarafiskiskap á Funningsfirði komu við rávørum og seldu til nógvar svangar gómar, sum ynsktu at royna hesa leskiligu rávøru í køkinum ella á grilluni.

Jú sigast má, at hetta tiltak eydaðist avbera væl og eru vit takksom fyri góða undirtøku og nógvar vitjanir. Somuleiðis skal Dávur Winther fáa stórt rós fyri Torradagarnar.

Myndir: Dávur Winther

Leygardagin 22. februar verður stór hummarasøla á torginum niðanfyri Gamla Seglhúsið. Byrjað verður kl. 11, har møguligt verður at keypa livandi jomfrúhummarar, taskukrabbar ella jákupsskeljar frá Steintór. Stóru hummararnir Klípus og Klippus verða eisini at síggja uttanfyri Gamla Seglhúsið leygardagin.

Grafia bjóðar í hesum sambandi til Opið Hús frá kl. 11