Óli Olsen - Nólsoyar Páll - siglingarmaður og skald

Fríggjadagin 21. oktober kl. 17.00 varð bókin ”Nólsoyar Páll – siglingarmaður og skald,” sum Óli Olsen hevur skrivað, løgd fram í Gamla Seglhúsinum í Klaksvík. Grafia hevur umbrotið bókina og Estra hevur staðið fyri prentumsitingini av bókini.

Bókin fæst í bókahandlum kring landið og vit ynskja Óla Olsen hjartaliga til lukku við bókini.

Um bókina:
Nólsoyar Páll var borin í heim í Nólsoy í 1766. Hann vaks upp í einum umhvørvi, har sagt verður, at bæði handalig og andalig mentan vóru høgt í mentum.

Nú 250 ár eru liðin, síðan hannvar føddur, verður út frá keldum roynt at lýsa fjøltáttaða persónin so heilskapaðan, sum til ber.

Barna- og ungdómsárini verða umrødd í stuttum, sagt verður frá, tá ið Nólsoyar Páll fer at sigla, tekur stýrimansprógv í Danmark og fer í langfarasigling.

Sagt verður frá sigling Páls við Royndini fríðu, sum hann smíðar samanvið øðrum monnum. Nomið verður við stríð hansara móti einahandli og donskum embøtismannavaldi í Føroyum.

Árni Dahl hevur skrivað part um skaldið Nólsoyar Páll og táttayrking hansara.

Myndir frá bókaframløguni, Norðlýsið:

---